Saga Tálknafjarðarskóla


Nú er liðin um ein öld síðan skólahald hófst í Tálknafirði í sérstöku skólahúsnæði á Bakka 1910 og Sveinseyri 1911. Haldið hefur verðið upp á aldarafmæli skólans með margvíslegum hætti, m.a. með veglegri árshátíð vorið 2010 þar sem minnst var upphafs skólahalds og afmælishátíð vorið 2011 með sýningu á verkum nemenda í tengslum við árshátíð skólans. 

Miklu skemmra er síðan regluleg leikskólastarfsemi hófst á Tálknafirði og enn á eftir að skrá sögu tónlistarfræðslu á staðnum en tónlistarskólinn hefur starfað um árabil.

Í ágúst 2012 sameinaðust leik- og grunnskólinn undir einu þaki eftir að hafa starfað aðskilið þrátt fyrir að stjórnunarlega hafi þeir verið sameinaðir fáum árum áður. Fyrra húsnæði leikskólans, Vindheimar, átti sér merka sögu enda byggt af kvenfélagi Tálknafjarðar fyrir leikskólastarfið. var orðið mjög lélegt og auk þess var aðstaða ekki lengur fullnægjandi fyrir starfsemina. Því var tekið til bragðs að flytja leikskólann inn í lítið notað húsnæði grunnskólans og það standsett fyrir yngstu börnin.