Innilega til hamingju!

Það gleður okkur að tilkynna að skólinn þinn hefur hlotið styrk úr sjóðnum Forritarar framtíðarinnar. Í ár styrkir sjóðurinn 28 skóla um sem nemur 9 milljónum króna. Styrkur skiptast í tvo meginflokka, annars vegar um 1,5 milljón vegna námskeiða og hins vegar 7,5 milljónir vegna kaupa á smærri tækjum í forritunar og tæknikennslu ásamt úthlutun á notuðum tölvubúnaði. Ljóst er að þörf skóla er mikil á þessu sviði því í ár var sótt um styrki sem í heild nema yfir 40 milljónum króna og því ljóst að ekki var hægt að veita öllum styrk sem sóttu um.

HÆGT VAR AÐ SÆKJA UM Í EINUM EÐA FLEIRI NEÐANGREINDUM FLOKKUM.

  • Námskeiðsstyrk fyrir kennara til forritunar- og tæknikennslu.
  • Tölvubúnað; notaðar borðvélar, skjáir, mýs og lyklaborð sem eru yfirfarnar af kerfistjórum hollvina FF.
  • Styrk til námsefnisgerðar í forritunar- og tæknikennslu.
  • Styrk til kaupa á minni tækjum í forritunar- og tæknikennslu (ath. ekki tölvur).

 

Þinn skóli hefur fengið styrk til kaupa á minni tækjum í forritunar- og tæknikennslu að upphæð kr. 100.000 og einnig námskeiðsstyrk fyrir kennara til forritunar- og tæknikennslu að upphæð kr. 100.000-

Þetta eru frábærar fréttir og okkur er ánægja að innleiða frekari forritunarkennslu í skólann okkar strax í haust.

Áfram Tálknafjarðarskóli !!!