Skólastefna Tálknafjarðarhrepps var samþykkt á fundi sveitarstjórnar í október 2020 og hafði áður verið staðfest af Fræðslu-, menningar-, íþrótta- og æskulýðsnefnd. Stefnan er afrakstur vinnu nemenda, foreldra, starfsfólks Tálknafjarðarskóla, sveitarstjórnarfulltrúa og íbúa Tálknafjarðarhrepps undir handleiðslu Tröppu skólaþjónustu. Stefnan verður höfð að leiðarljósi í öllu skólastarfi á vegum sveitarfélagsins.Leiðarljósið í hinni nýju stefnu er að hafa krefjandi og skemmtilegt skólastarf sem ræktar mannkosti með áherslu á hið jákvæða og tengir saman hug og hönd í samvinnu við íbúa.

Einkunnarorð og um leið gildi hinnar nýju stefnu eru:

Jákvæðni – Samvinna – Skemmtun – Þrautseigja

 

Skólastefnuna í heild sinni má sjá á meðfylgjandi hlekk hér fyrir neðan, bæði sem rafrænn bæklingur og á heimasíðu skólans:

Rafrænn bæklingur 

Á heimasíðu